Zomi Khangno Kipawlna (ZYA)
1. Vision, 2. Mission, 3. Objectives leh 4. Policy
1. Vision (Lunggulhna/Lametna/Muhkholhna)
– Zomite kipumkhatna tawh a bucing khantohna nei ding
2. Mission (Sepkhiatna)
– Cimawh dongtuakte huhin panpih ding
– Apil, asiamte pantahin minam picing i suah nading semding
– A hunzui in kumpi tawh khut kilen in gam leh minam hoihna ding sem ding
– Gambup makaipite kimuh khopna kumsim nei in gambup makaikhempeuh kimuh khopna khawmpi kum 3 hal in nei ding
– Kum sim bawlung kidemna bawl ding
– ZYA omna khuate Unit-Block-Branch-Headquarter cihbang in kizom in na sem ding
– Kumpi lam le gamsung/gampua dongta nasepna (NGO) tuamtuamte tawh kipawlin nasem ding
3. Objectives (Ngimnate/Tupnate)
– Zomite omna khua/mun te ah ZYA phut ding
– ZYA omna khua khempeuh ah ZYA Hall neikim na ding (Kawlzang ah Zomi Hallpi le Tualpi neihzawh nading)
– Zomite Ngeina, Zolai leh Zomite Dante kemcing in lamsang ding
– Mihoih, mipha tampi a pianna ding kipantah ding
4. Policy (Zuihding/Thukhun)
– (a) Leitungbup a om Zomi khempeuh huam kim ding
– (b) Kipawlna term pen kum 3 hi ding, aki deih lai le term nih kizom sepbeh thei ding
– (c) President rule tawh kalsuan ding
– (d) Kipawlna mintawh Party Politics (Naingnganye) semtheilo ding
– (e) Khangno huam zia pen naupang ahi nawnlo le khangham thahat nawnlo ahi nailo kikal teng huam ding
– (f) Kipawlna in Minam, Pawlpi, Khua, Beh cihte kideidan lo in kinawngkai sak lo ding
– (g) Gambup kipawlna zumpi pen Kalaymyo ah hiding
– (h) Kipawlna min kuamah in ai-tuam phattuamna leh amet, apung zonna in zang theilo ding
– (i) Kipawlna in atek amoi, numei pasal, azawng ahau, inntek pemta deidan lo hi.
– (j) Zomite minam khat, hihna bulphuh ding
– (k) General Assembly (GA) kumthum 1 vei, Board of Directors (BD) kumkhat 1 vei, Central Executive Committee (CEC) khaguk 1 vei, Central Cabinet (CC) khanih 1 vei bawl ding
– (l) Meeting bawldan pen democracy ngeina (Parliamentary Procedure) kizang ding
– (m) Kipawlna mintawh paina ding vai ah Gamsung ahih leh CC theihpihna, Gampua ahih leh CEC theihpihna, Vai thupi ahih leh BD theihpihna tawh paithei bek ding
Alunglutte ading in hong khahkhia ung.
By
Zomi Youth Association
Central Committee
Kalaymyo
23 April 2017